Një grua ka vdekur pasi ka rënë të enjtën nga një ndërtesë në rrugën “Jakov Xoxa” në Prishtinë.
Policia ka bërë të ditur se vdekjen e viktimës e kanë konstatuar ekipa mjekësore dhe me vendim të prokurorit trupi i pa jetë është dërguar në IML për obduksion.
“Prishtinë / 30.01.2025-18:50. Viktima femër kosovare në rrethana të panjohura dyshohet se ka rënë nga një objekt banesor dhe për pasojë ka mbetur pa shenja jete. Lidhur me rastin njësitë relevante policore dhe ekipi mjekësor kanë dalur në vendin e ngjarjes ku është konstatuar vdekja e viktimës femër kosovare, me vendim të prokurorit trupi i pajetë është dërguar në IML për obduksion. Rasti duke u hetuar”, thuhet në raportin e policisë.
