Një grua ka rënë nga lartësia e një objekti në rrugën “Tahir Zemaj” në Fushë-Kosovë, që për pasojë ka humbur jetën në vendin e ngjarjes.
Vdekja e saj është konstatuar nga ekipi mjekësor.
Lajmin për teve1.info e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
Ajo bëri të ditur se policia në koordinim me prokurorin e shtetit kanë nisur hetim mbi rastin dhe rrethanat që kanë çuar deri te vdekja.
“Rreth orës 16:20, kemi pranuar informatën se një person (femër) ka rënë nga një objekt në rrugën “Tahir Zemaj”, në Fushë Kosovë dhe e njëjta ka vdekur. Vdekjen e viktimës e ka konstatuar ekipi mjekësor në vend ngjarje. Policia në koordinim me prokurorin e shtetit ka nisur një hetim mbi vdekjen si dhe po vazhdon me ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rrethanave të rastit”, tha ajo./teve1.info/
