Një grua 56-vjeçare ka humbur jetën, pasi që e njëjta ka rënë nga kati i pestë i një banese në Ferizaj.
Policia thotë se rasti është duke u hetuar dhe ende rrethanat janë të paqarta.
“Një person i gjinisë femër, e moshës 56-vjeçare, në rrethana ende të panjohura, ka rënë nga kati i pestë. Njësitë policore dhe autoambulanca kanë dalë menjëherë në vendngjarje, ndërsa viktima është dërguar në Qendrën Emergjente në Ferizaj në gjendje të rëndë,” tha zëdhënësi i Policisë, Kanun Veseli për teve1.info.
Veseli njoftoi se mjekët kanë konstatuar vdekjen e saj pak minuta pas mbërritjes në spital./teve1.info/
