Nata e 24 shkurtit ishte e rëndë për një qytetar të komunitetit serb nga qyteti i Graçanicës.
Ish-boksierit Jefta Aksic iu plaçkit banesa ku po jetonte nga disa persona të panjohur.
Ai tregon për televizionin se pas kësaj ngjarjeje pësoi infarkt e ku u detyrua të shtrihet në Qendrën Klinike Universitare të Kosovës për trajtim.
“Nuk ndihesha mirë në atë çast, kërkova ndihmë në Shtëpinë e Shëndetit këtu. Ata për shkak të tensionit të gjakut, dhe analizave të gjakut më dërgojnë në Lapnasellë. Aty vendosin të më dërgojnë menjëherë në Prishtinë. Ndihma e Parë më dërgon në Prishtinë, herët në mëngjes, në ora 6. Në ora 8 vetëm isha në sallë për kornografi, më janë vendosur 5 stenda”, shprehet ai.
Aksic thotë se është impresionuar me përkujdesin që i është bërë nga mjekët në QKUK dhe se shton se i shpëtuan edhe jetën. Po ashtu, Aksic ka falënderuar edhe Policinë e Kosovës për kujdesin e treguar ndaj tij dhe arrestimin e hajduteve që i plaçkitën banesën.
“Më ka befasuar kjo sjellje e mirë e stafit mjekësor, e mjekëve, e të gjithëve. Ka edhe ilaçe, edhe gjithçka. Po të mbetesha në Laplasellë, a për Serbi, s’do të mbijetoja. I falënderoj që më shpëtuan jetën, thotë Aksiç.
E njëri nga mjekët e Klinikës së Kardiologjisë, Daut Gorani thotë se është rritur numri i pacientëve nga komuniteti serb që marrin trajtim aty.
“Nga komuniteti serb tek ne në 3-4 vitet e fundit ka pasur një fluks të dukshëm që nuk ka ndodhur më herët dhe pacientët me sindorëm n akute koronare kanë ardhë dhe janë trajtu tek ne… Posaqërisht te komunisteti serb kemi qenë më të kujdesshëm dhe besoj nuk e di që ka pas ndonjë rast të vdekjes në sallë kanë qenë mirënjohës për shërbimin në Kardiologji”, shprehet Gorani.
Nga stafi i Klinikës Kardiologjike i thanë televizionit se përpos komunitetit serb, në baza ditore marrin trajtim edhe pjesëtarë të komuniteteve tjera e që janë të kënaqur me shërbimet.
