Ai në një lidhje direkte në Tëvë1, tha se gjendja në Skenderaj është e rëndë. Për këtë ai kritikoi nivelin lokal dhe qendror.
“Gjendje është shumë kaotike. Duke filluar nga ora 11:00, nivelet e lumit Klina vetëm kishin mbërri përmasat maksimale, por përnjëherë uji vetëm vërshoi nga të gjitha anët e pjesës në bulevardin ‘Ilaz Kodra’. Po të mos ishte gatishmëria e qytetarëve me mjete vetanake të cilët kanë rrezikuar, besojë se situata do të ishte edhe me numër të madh tragjedisë të jetëve të njerëzve”, ka deklaruar ai.
Sipas tij, në këtë aspekt, niveli lokal dhe qendror ka dështuar totalisht.
“Pushteti si niveli lokal dhe qendror kanë dështuar totalisht, përjashtim njësia e zjarrfikësve që kanë bërë përpjekje maksimale që t’u vinë në ndihmë qytetarëve, por fatkeqësisht automjetet e tyre ishin fikur në ujë. Bizneset janë vërshuar me ujë dhe ato vetëm kanë kapitulluar në këtë pjesë. Situata edhe pse është kaotike. Mua më ka befasuar neglizhenca e së paku nivelit qendror sepse unë kam besuar se me FSK-në do u dalim në ndihmë qytetarëve të Kosovës . E tëra është vullneti i qytetarëve me i dalë në ndihmë njëri-tjetrit sepse përndryshe nuk po shihet dora e shtetit”, shtoi Isufi. /Teve1.info/
