Një qytetar nga Gjakova ka dorëzuar 15 mijë euro në polici të cilat i kishte gjetur brenda një çante në rrugën “Tirana”.
Policia ka bërë të ditur se pas procedurave çanta dhe paratë janë kthyer tek pronari legjitim.
“Qytetari Binak Neziri nga Gjakova ka gjetur një çantë në rrugën “Tirana”, në të cilën ndodheshin para në vlerë rreth 15 mijë euro. Ai e ka dorëzuar çantën në Stacionin Policor të Gjakovës, ku pas procedurave të nevojshme, çanta dhe paratë janë kthyer tek pronari legjitim. Policia shpreh mirënjohje për veprimin e z. Neziri dhe fton edhe qytetarët e tjerë që të ndjekin këtë shembull, duke kontribuar në ndërtimin e një shoqërie të ndershme dhe të përgjegjshme”, thuhet në njoftimin e policisë.
