Ceremonia e hapjes së “Defender Europe 2023” nga Forcat e Sigurisë së Kosovës u ndoq edhe nga një numër i madh i qytetarëve.
Si njëra ndër ngjarjet më të mëdha stërvitore ushtarake që ka ndodhur ndonjëherë në Kosovë, ceremonia u përcoll edhe me aktivitete ku përfshiheshin qytetarët.
E për shumë prej tyre, duke pare nga afër disa prej pajisjeve dhe automjeteve të ushtrisë së vendit përshkoi emocion të papërshkrueshëm.
“Nuk ka fjalë që mund ta përshkruajë sa është emoicionuese, sa është I mirë ky organizim. Ky tregon që jemi në rrugë të duhur dhe që jemi tu u formu taman shtet . Domethënë edhe fuqia ma e madhe në botë, Amerika na ka përkrah që ne me formu shtet e jo na me shkatërru para se me formu. Se kërkush nuk odn kur ti e shkatërron shtëpinë tande, gjithkush t’don kur ti punon në interest ë shtëpisë tande”, shprehet qytetari, Muhamet Tashevci.
E Bajrush Redenica, këtë ceremoni e përkufizon si një ëndërr të kahmotshme të shqipëtarëve.
“Është një ëndërr që me të vërtetë më mbush emocione, është me të vërtetë një madhështi që nuk përshkruhet me ndjenja. Unë jam poet, shkrimtar dhe këto të gjitha I kam të përshkrume në 24 veprat e mia. Dhe këto gjenerata e juve e reja sidomos ti gëzoni këtë liri që ne kemi sarifiku shumë për këtë ditë të sotit”, thotë Bajrush Redenica
Derisa shihte armët e ekspozuara, e mjetet e FSK-së, Shqiprim Osmani u shpreh krenar me arritjet e vendit.
“Përfekt është, kemi ec përpara si me ushtri si me krejt. Më vjen mirë që kemi mbërri me njëfar kulmi prej minusit, jo prej zeros po bash prej minusit”, tha Shqiprim Osmani.
Ndërsa lëvdata për Kosovën dha edhe tetovari, Sead Brahimi.
“Është shumë e mirë, dhe është e duhura për anëtarësimin në NATO. Arritje shumë të mira, domethënë madhore. Në krahasim me vendet e tjera të ballkanit është me nivel më të lartë”, tha ai.
Krahas aktiviteteve të përgaditura nga ushtarët e FSK-së, pas kryerjes së ceremonisë zyrtare u organizua edhe koncert për qytetarëtnë të cilin performoi edhe bendi muzikor i ushtrisë së Shteteve të Bashkuara të Amerikës.
