Në pikëkalimin kufitar në Merdare, qytetarët serb që hyjnë në Kosovë thonë për Tëvë 1 se nuk është e rëndësishme se çfarë lloj modeli do të bëhet për targat e automjeteve.
Sipas tyre, e rëndësishme është që të ketë bashkëpunim mes të dyja vendeve.
Kosova dhe Serbia kishin afat që deri më 21 prill të arrinin një marrëveshje afatgjatë lidhur me çështjen e targave. Por, në takimet të mbajtura dje midis kryenegociatorit të Kosovës, Besnik Bislimi, dhe atij të Serbisë, Petar Petkoviq, me ndërmjetësimin e BE-së, palët nuk arritën marrëveshje.
Edhe pse pati dështim për të arritur marrëveshje deri në afatin e 21 prillit, i dërguari i posaçëm i BE-së për dialogun Kosovë-Serbi, Mirosllav Lajçak, u bëri thirrje palëve që të vazhdojnë bisedimet për çështjen e targave. /Teve1.info/
