Në prag të zgjedhjeve lokale në 4 komunat veriore të vendit, serbët lokal nuk po gjejnë qetësi.
Pas mesnate janë djegur tri vetura me targa RKS, nga persona të panjohur.
Policia e Kosovës ka njoftuar se janë duke e hetuar rastin.
“Pas pranimit të informacioneve, njësitet policore menjëherë kanë dalë në vendin e ngjarjes duke angazhuar njësitë kompetente policore, përfshirë forenzikën, të cilat kanë ndërmarrë të gjitha veprimet e nevojshme hetimore. Lidhur me rastin, është njoftuar prokurori kompetent, me udhëzim të të cilit janë iniciuar rastet ‘zjarrvënie’ për procedura të mëtejme hetimore”, thuhet në njoftimin e Policisë.
Drejtori i Organizatës AKTIV, Miodrag Miliçeviq, i cili jeton në Mitrovicën e Veriut, thotë se nuk e di kush fshihet pas këtyre ngjarjeve, megjithëse është skeptik se këto kanë të bëjnë më zgjedhjet lokale ne katër komunat veriore.
“Fatkeqësisht po ballafaqohemi sërish me këto situata, nuk është diçka e re. Nuk mendoj se po digjen veturat për shkak të zgjedhjeve lokale, madje edhe Lista Serbe nuk është duke i kontestuar ato. Qytetarët nuk e dinë se as kush është duke garuar në këto zgjedhje, duken të pa interesuar. Unë mendoj se arsyet qe po ndodhin këto veprime ka të bëjë me procesin e riregjistrimit të targave”, tha ai.
Por, nga një perspektive tjetër situatën e sheh profesori, Nexhmedin Spahiu.
Dy vetura tjera me targa RKS, në pronësi të serbëve lokalë janë djegur edhe më 30 mars.
Kronika e gazetarit Shpat Blakçori.
