Autore: Jona Kelmendi
Qytetarët në Mitrovicë në hall nga barishtet në liqenin akumulues.
Kjo është gjendja në të cilin gjendet Liqeni akumulues në Mitrovicë.
Ndonëse çdo vit qytetarët e shfrytëzojnë këtë pjesë për not e peshkim, këtë verë nuk po mund ta bëjnë një gjë të tillë.
Shkak barishtet që e kanë mbuluar atë.
I irrituar me këtë situatë është Haki Nimani.
“Jashtë liqenit mbahet mirë, brenda liqenit është katastrofë, është prish një makinë me të cilën punojnë për momentin është keq”, shprehet ai.
E sipas tij, faj për këtë kanë institucionet, që siç thotë ai, s’kanë ndërmarrë asgjë.
“Institucionet nuk kanë bo asgjë hiq, kjo është duft me qenë pastër me hi të gjithë me u pastru kush don, mundeni me pa edhe vet anej qysh është por ndoshta për shkak të asaj makines që nuk punon kjo me dorë nuk heket”, thotë Nimani.
Se këtë problem e kanë çdo sezonë, e thotë edhe Muja Jashari.
“Po çfarë fillumi të pastrumi, këtu është me sdi sa vjet e fillojnë dimrit me hek, heke verës, dimrit na nuk vina mu la….Çdo verë e ki qeshtu njëjtë, nuk ke pas verë që s’ke mujt mos me pa bari. Qeshtu i njëjti muhabet është”, shprehet ky qytetar.
Për këtë çështje, Tëvë1 ka dërguar pyetje në Drejtorinë e Shërbimeve publike në komunën e Mitrovicës, mirëpo të njëjtit nuk kanë kthyer përgjigje deri në publikimin e kronikës.
