Prej më shumë se gjashtëdhjetë e pesë vitesh, Bajram Sfishta i dhuron vitrat për muajin e Ramazanit.
Edhe këtë të enjte, Sfishta po e vazhdon traditën.
“Ndjehesh mirë se je e aftë me i ndihmu dikujt diçka si fukarasë edhe këtyre. Çdo vit dhuroj se këto bëhen për fukara për medrese e mirëmbajtjen e saj, pra çka të ka nevojë e ku të ka nevojë, atëherë i përdorin këto vitra”, thotë ai.
Në xhaminë e madhe në Prishtinë për tu solidarizuar me ata që kanë nevojë, vitra dhuruan edhe qytetarët e tjerë.
“E bëjë për Zotin. Këta e dinë kujt me ja dhanë se unë nuk e di kush është fukara apo i pasur”, u shpreh Halime Nishevci.
“Këtë e kemi obligim se kur vjen koha e fundit e kanë obligim ne me na dërguar ku duhet për atë e bëjnë. E vitrat i kemi obligim mas Ramazanit vijnë vitrat për atë.
E nga këshilli i Bashkësisë Islame në Prishtinë, treguan se ka pasur interesim të madh të qytetarëve për t’u solidarizuar me nevojtarët”, tha Ajet Kerolli.
“Këto ditë ka fluks të madh të qytetarëve të cilët vitrat dhe zeqatën e paguajnë konkretisht në Bashkësinë Islame të Republikës së Kosovës pastaj këto mjete shpërndahen nëpër familjet nevojtare në Medresesn “Alaudin” në Prishtinë në Fakultetin e Studimeve Islame si dhe në shoqatën Bereqeti e cila në çdo ditë të vitit është në kujdesej të atyre që kanë nevojë. Pra këto vitra shpërndahen tek ato familje nevojtare që i parasheh Bashkësia Islame. Dhënia e vitrave është obligim për secilin person i cili agjëron ramazanin në mënyrë që të pastrojë atë duke ju ndihmuar edhe të tjerëve”, tha Lirim Jashari – përgjegjës për financa në këshillin e BIK-ut në Prishtinë.
Për vitin 2026, Bashkësia Islame e Kosovës ka përcaktuar se vlerat e Sadakatul Fitrit do të jetë nga 5, 10 dhe 15 euro, varësisht nga gjendja ekonomike.
