Është projekti që do t’i bënte me ujë të pijshëm disa fshatra.
Por, i njëjti mund të mos vazhdojë më në Skenderaj.
Kjo për shkak se Skenderaj nuk u përfshi në shpërndarjen buxhetore të qeverisë për viti 2024.
“Komuna e Skenderajt është e përjashtuar totalisht nga kjo ndarje buxhetore, është një qasje dhe një mendësi përjashtuese e qeverisë së Kosovë, ndaj Komunës së Skenderajt, dhe për neve kjo qasje është raciste dhe e papranueshme”, ka thënë zëdhënësi i komunës, Amir Lushtaku.
Ai thotë se kjo nuk është hera e parë që niveli qendror lë anash Skenderajn.
“Është rasti i vërshimeve të janarit të vitit 2023, kur dëmet në komunën tonë janë mbi 12 milionë e 200 mijë euro dhe qeveria nuk ka ndarë asnjë centë”, thotë ai.
E të zhgënjyer me shpërndarjen buxhetore për investime kapitale janë shprehur edhe qytetarët e Skenderajt.
“Keq, është dashur me na trajtuar të gjithëve barabartë, ka ndikuar pak edhe qeveria, ndërrimi i saj”, thotë Naim Musliu
“Na ka diskriminuar, jemi komuna më e varfër na ka diskriminuar shumë dhe jemi të zhgënjyer me këtë qeveri”, shprehet Jahir Zejnullahu,
“Jashtëzakonisht jam i zhgënjyer, jam i tronditur se qysh ka mundësi me ndodh që nuk qitet një centë për Komunën e Skenderajt. 1:25 Janë disa projekte që kanë mbetur në gjysmë, i kemi disa fshatra, gypat kanë hyrë ndërsa uji në Ujman, thotë Haki Kadriu
Ndonëse shpërndarja e pabarabartë e fondeve për investime kapitale nga niveli qendror nëpër komuna është përmendur edhe në raportin e Komisionit Evropian për Kosovën, këtë e ka mohuar ministri i financave Hekuran Murati.
Në një konferencë për media, Murati ka hedhur poshtë favorizimin e komunave që udhëhiqen nga kryetarët e Vetëvendosjes.
