Ndonëse është ditë vikendi, qytetarët pashmangshëm po presin në radhë për tu pajisur me letërnjoftim dhe pasaportë.
E fluksi i qytetarëve u pa pas kohës së pauzës.
“Interesimi i madh i qytetarëve për tu pajisur me pasaportë të Republikës së Kosovës dhe letërnjoftim, ka bërë që Agjencia për Regjistrimin Civil e ministrisë së Punëve të Brendshme, të punon edhe këtë të shtunë”.
Sipas një vendimi të Ministrisë së Punëve të Brendshme, tash e disa javë po punohet edhe të shtunave, meqë është rritur interesimi i qytetarëve për tu pajisur me dokumentet shtetërore.
Por, televizioni ka mësuar se ky vendim do të ndërpritet, dhe se kjo e shtunë ka qenë e fundit për qytetarët të cilët e shfrytëzuan vikendin për aplikim dhe pajisur me pasaportë dhe letërnjoftim.
E qytetarët ankohen për pritje të gjata, nga ta kishte që tri herë radhazi iu është pamundësuar aplikimi.
“Tri herë kom ardhë e kom marrë numrin, zakonisht mbi 100 veta i kom pas para meje, kur e kom shfrytëzua një pauzë prej punës, nuk ishte mundësia me prit ashtu shumë, sot e kom shfrytëzua dhe erdha por qenka pauzë besoj që kësaj here” , ka thënë qytetari, Musli Dulahi.
Ndërsa ka të tjerë që kërkojnë të punohet edhe vikendeve të ardhshme.
“Unë mendoj se kjo është një ide shumë e mirë tash kam dëgjuar se do të ndërpritet ky orar i vikendeve mos me punu, edhe me punu me orar të rregullt. Unë sot erdha por pashë tollovi të madhe, edhe e kisha pa të arsyeshme me vazhdua me punu edhe vikendeve me ua mundësua pak më lehtë me u pajis me dokumente” , ka thënë qytetari tjetër, Agim Mehmeti.
Pritjes nuk po i bënë ballë as kjo e moshuar.
“Me ardhë prej mëngjesit, e treta ditë është mos me mujt me kry punë deri në 20:30, e mos me bo takim gjithë ky njeri me ndejtë në këmbë dje e pardje shumë nxehtë ke, qysh me guxua” , tha ajo.
Pritja e qytetarëve për ty pajisur me dokumente vazhdoi edhe pasdite.
