Bashkë me të atin erdhën në Kompleksin Memorial ‘’Ademi Jashari’’.
Dy të vegjlit nga Prizreni, me krenari po mbajnë veshur uniformën e ushtarit.
“Unë jam vesh me veshje të ushtrisë se sot kam pasë qejf me përkujtua Ushtrinë Çlirimtare të Kosovës”, shprehet njw vizitor.
Se duhet vizituar Prekazi në ditën e Pavarësisë së Kosovës e thotë edhe babai i tij.
“Kemi ardhë për një vizitë të shkurtër, pse jo edhe fëmijëve me ju spjegu t’kalumen e cila s’bën me u harru”, tha ai.
Ndërsa me mesazhe në flamurin kombëtar erdhën vizitorë edhe nga Fieri i Shqipërisë.
“Sot ne jemi të gjithë në Drenicë dhe në Prishtinë për ditën e Lirisë të Dardanisë”, tha ky visitor nga Shqipëria.
E një thirrje për të popullin e Kosovës e pati i mbijetuari i Masakrës së Izbicës, Milazim Thaçi.
“Për veti duhet me u bashku e me folë mirë njani tjetrit, jo ti kshtu ti kshtu, por me qenë të bashkum, se shkau ka qejf me qenë të shkapërderdhur”, tha ai.
E për sakrificën e dëshmorëve të rënë për liri, një mesazh e dhanë edhe qytetarë nga Gjakova.
“Vetëm atëherë kur ne si komb e çojmë në vend amanetin për çka është derdhë gjaku, atëherë do t’i zbatojmë dhe do t’i kryejmë obligimet tona ndaj brezave që janë flijuar për kombin shqiptar”.
Në Kompleksin Memorial ‘’Adem Jashari’’ erdhën edhe presidentja Vjosa Osmani e kryeministri, Albin Kurti, përfaqësues të partive politike, institucioneve komunale e ish- ushtarë të UÇK-së .
