Sipas tij, tashmë kanë kaluar 10 vjet që prej kur është miratuar kjo strategji – për të cilën thotë se është bërë në rrethana krejt tjera dhe me një koeficient më të ulët të rrezikshmërisë së vendit.
Quni, i cili është edhe anëtar i Komisioni Parlamentar për Çështje të Sigurisë dhe Mbrojtjes, thotë se për ngritjen e kapaciteteve të Forcës së Sigurisë së Kosovës nuk duhet vetëm zhvillimi ekonomik.
“Unë si anëtar i Komisionit për Mbikëqyrjen e Sigurisë një ndër çështjet që është ngritë është edhe afati i FSK-së që kapacitet t’i arrij sa më shpejt. Tani ne mendojmë se çdo gjë varet nga forca ekonomike por është një fushë komplekse, ne nëse dojmë me kriju një njësi ajrore të heklikopterëve nuk mjafton vetëm me i pasë të hollat por kuadër me kriju me pilotimit pastaj kuadrin e komandimit”, tha ai.
Deputeti opozitar thekson se duhet së paku një periudhë 4-vjeçare që të arrihet në përmirësimin e kapaciteteve ushtarake, me theks të veçantë në krijimin e njësive të ndryshme ajrore.
“Mirëmbajtja, navigimi, komunikimi, së paku një periudhë katër-vjeçare, një pilot i mirë do të duhet së paku 4 vjet me kalu ngritjes së shkathtësive që ai jo vetëm me qenë pilot, por edhe me qenë komandues i mirë. Mos të flasim edhe për gjërat dhe fushat tjera shembull mbrojtja kibernetike që sot po merr një rol të veçantë në përcaktimin e epilogut të ngjarjeve. Dmth bëhet fjalë për teknologjinë për djem e vajza me shktathësi të veçanta duhet të mbsëhtetet me infrastrukturë të mirë ligjore”, shtoi Quni./teve1.info/
