Deputeti i LDK-së, Anton Quni duke kritikuar mungesën e pozitës në seancën e thirrur për Policinë e Kosovës ka thënë se kapacitetet e kësaj të fundit nuk janë ngritur nga kjo Qeveri.
Ai tha se kapaciteti i policisë është ngritur që nga të gjitha qeveritë, por që nuk ka unitet nga partia në pushtet që të diskutohet për rregullimin e kushteve të Policisë së Kosovës, shkrun teve1.info
“ Më 24 shtatore, i gjithë spektri politike, të gjitha partitë politike ishin shumë të unifikuara përballë një rreziku që vinte nga territori i Serbisë. Të gjithë ishim mirënjohës ndaj Policisë së Kosovës si bartëse kryesore për menaxhimin e asaj situatë. Është e ditur se kapacitete e policisë nuk janë ngritur vitin e fundit apo gjatë mandatit të qeverisë së fundit, janë investime që nga çlirimi i Kosovës mbi dekada.
Çdo qeveri ka investuar çdo ditë që kur të përballët më ndonjë rrezik në mënyrën me profesionale të menaxhojë situatat e tilla. Por, ja që ky unitet nuk po tregohet sot. Sot kur ne flasim për nevojat elementare të policisë, në këtu na mungon mazhoranca të cilët verbalisht ishin në përkrahje të pakufizueshme për policinë, por që sot nuk shprehin gatishmërinë që edhe nga opozita të dëgjojnë mendime, kërkesa, këshilla etj se si do të mundemi nevojat e tyre(policisë) të i përmbushim”, ka thënë Quni në Kuvend.
Kuvendi i Kosovës e ka filluar seancën plenare ku është paraparë të diskutohet për rezolutën për Policinë e Kosovës, raporton teve1.info
Në seancën ku përfaqësuesi i deputetëve që e kanë thirr seancën e jashtëzakonshme, Rashit Qalaj e paraqiti këtë rezolutë, të pranishëm nuk ishin deputetët e pozitës.
Deputetët e pushtetit e kanë bojkotuar këtë seancë për herë të dytë.