Zëvendësministri i Drejtësisë, Vigan Qorrolli ka pritur në një takim Shefin e Misionit të OSBE-së, Michael Davenport.
Qorrolli gjatë takimit tha që Ministria është në pritje të përgjigjjeve nga Gjykata Kushtetuese për amandamentet e Vetting-ut dhe Komisioni i Venecias për projektligjin për KPK-në.
Ai shtoi se shpreson që përgjigjet për këto dy nisma të vijnë në shtator.
“Ministria e Drejtësisë është në pritje të vendimmarrjes në Gjykatën Kushtetuese lidhur me amendamentet që kanë të bëjnë me Vetingun dhe po ashtu edhe për opinionin e Komisionit të Venecias lidhur me Projektligjin për KPK-në. Ndryshimet që janë bërë, vlerësoj se janë në përputhje me opinionet e mëparshme të Komisionit të Venecias dhe me aktgjykimin e Gjykatës Kushtetuese, andaj shpresoj që gjatë muajit shtator të marrim përgjigje dhe të adresohen tutje këto dy nisma nga Ministria e Drejtësisë”, tha zëvendësministri Qorrolli, ka njoftuar Ministria e Drejtësisë.
Ndërsa shefi i Misionit të OSBE-së z Davenport, ka theksuar se ky mision do të vazhdoj të mbështesë Kosovës në fushën e sundimit të ligjit dhe reformës në drejtësi, ka njoftuar MD.