Eksperti i Ekonomisë, Adem Qorrolli ka deklaruar se i vetmi sukses i Qeverisë Kurti sa i përket fushës së ekonomisë është subvencionimi i punëtorëve të sektorit privat për gjashtë muaj dhe tre muaj.
Qorrolli në emisionin “Këndi i Debatit” në Tëvë1, theksoi se sot një biznes në sektorin e ndërtimtarisë nuk është në gjendje të deklarojë se në ditën tjetër ka po aq punëtorë sa ka pasë dje.
“I vetmi sukses që doemos duhet ta lavdërojë për atë punë, është subvencionimi për gjashtë muaj dhe për tre muaj të sektorit privat. Po kush ti merr kur nuk ka konsum, kush ti merr kur nuk ka benefite të punës. Sot bizneset janë më të paktat që të garantojnë për përfundimin e një procesi të punës. Sot një biznes i sektorit privat po flas në ndërtimtarinë, sot nuk është në gjendje të të thotë që nesër kam tetë punëtorë prezent në punishte, asnjë garancion. Sot dëshira më e madhe e një biznesi është ta regjistrojë punëtorin dhe ta ketë në bagazhin profesional të vetin”, tha më tej Qorrolli./teve1.info./
