Vigan Qorrolli nga Lëvizja Vetëvendosje ka thënë se kjo parti në zgjedhjet parlamentare të 28 dhjetorit do të marrë rezultat më të mirë se në vitin 2021.
Ai ka thënë se qytetarët e Kosovës do ta legjitimojnë fitoren e LVV-së duke i mundësuar formimin e institucioneve pa pasur nevojë për koalicione.
“Më 28 dhjetor, qytetari i Kosovës, përveç që do ta legjitimojë si forcën e parë LVV-në, tezën nëse do të përsëritet rezultati i vitit 2021, nëse do të jetë më pak ose më shumë, unë besoj te e dyta, nuk do të kemi nevojë për një parterë të koalicionit dhe do të marrin numër të mjaftueshëm të deputetëve për me i kriju institucionet”, ka thënë Qorrolli në emisionin “Këndi i Debatit” në Tëvë1.
Por, analisti politik, Artan Alijaj ka thënë se kjo është dëshirë e Qorrollit. Por, sipas tij, nëse LVV arrin ta marrë rezultatit e shkurtit të këtij viti do të ishte sukses për këtë parti.
“Z.Qorrolli mund të ketë dëshirat e tij që do të përsërisnin rezultatin e vitit 2021, unë them që sikur mund të mund ta mbanin rezultatin e shkurtit të këtij viti do të ishte sukses shumë i madh për Vetëvendosjen. Mirëpo, në momentin që përfundon procesi zgjedhor, propagandat partiake do të ndalen dhe të ulin e të flasin secili me secilin që të krijohet shumica”, tha Alijaj.
