Kryetari i Sindikatës së Pavarur të Sektorit Privat në Kosovë, Jusuf Azemi, ka bërë të ditur se nga dita e martë Qendrat e Mjekësisë Familjare në Prishtinë s’do të kenë shërbime higjienike.
Kjo pasi, kompanisë aktuale që mirëmban objektet i ka skaduar kontrata sot (ditë e hënë).
Azemi tha se disa herë kanë punuar pa kontrata, mirëpo asnjëherë komuna nuk është përgjigjur për pagesa.
“Nga nesër Qendrat e Mjekësisë Familjare në Prishtinë nuk do të kenë shërbime higjienike fare, pasi që kompanisë aktuale sot i skadon kontrata dhe ne disa herë kemi punuar edhe pa kontrata me qëllim që pacientëve tu lehtësojmë vizitat e tyre në QMF, por komuna asnjëherë nuk është përgjigjur për pagesën tonë, andaj ftoj të gjithë punëtorët teknik në QMF-të e Prishtinës që mos të kryejnë asnjë shërbim pa u nënshkruar kontratat me ne. Nesër ora 10:00 kryetari i Federatës do të viziton QKMF në Prishtinë”, ka shkruar Azemi në Facebook./teve1.info/
