Një person është dërguar i vdekur në Qendrën Klinike Universitare të Kosovës (QKUK), me plagë të shkaktuara nga arma e zjarrit.
Drejtori i Klinikës Emergjente, Naser Syla, konfirmoi për Tëvë1 se viktima kishte mbërritur pa shenja jete dhe me plagë nga arma e zjarrit.
“Është sjellë në QKUK i vdekur me plagë nga arma e zjarrit”, tha Syla për televizionin.
Ndërkohë, Televizioni Tëvë1 është në pritje të informacionit të mëtejshëm nga Policia lidhur me rrethanat e ngjarjes.
