Qendra Kryesore e Mjekësisë Familjare në Podujevë, është furnizuar me katër automjete.
Kryetari i kësaj komune Shpejtim Bulliqi, ka thënë se këto automjete janë blerë me qëllim të përmirësimit të shërbimeve shëndetësore për pacientët, por edhe për të lehtësuar punën e personelit mjekësor
Bulliqi, ka përmendur automjetet të cilat janë blerë, një autoambulancë emergjente,një automjet për bartje të dializës, një autoambulancë e vogël për nevoja të vizitave të shërbimit paliativ dhe një automjet për nevoja të vaksinimit dhe punëve teknike.
Ai tha se këto automjete janë blerë nga buxheti komunal.
“Është bërë furnizimi me automjete për nevoja të shërbimeve të QKMF-së me 4 automjete; një autoambulancë emergjente,një automjet për bartje të dializës, një autoambulancë e vogël për nevoja të vizitave të shërbimit paliativ dhe një automjet për nevoja të vaksinimit dhe punëve teknike. Blerja e automjeteve po bëhet me qëllim të përmirësimit të shërbimeve shëndetësore për pacientët, por edhe për të lehtësuar punën e personelit mjekësor. Këto automjete janë blerë nga buxheti komunal”, ka shkruar Bulliqi në Facebook./teve1.info/
