Më shumë se 250 ish-zyrtarë të agjencisë izraelite Mossad kanë lëshuar një peticion të ri të dielën mbrëma ku kanë kërkuar përfundimin e menjëherëshëm të luftës në Gaza për të lehtësuar lirimin e të gjitha pengjeve, sipas medieve izraelite.
Më herët të dielën, rreth 200 mjekë aktivë rezervistë ushtarakë nënshkruan gjithashtu një peticion duke kërkuar fundin e luftës dhe kthimin e pengjeve të mbajtura në Gaza.
Peticioni shton një valë në rritje të mospajtimit publik brenda institucionit të sigurisë së Izraelit. Që nga e enjtja, të paktën gjashtë peticione janë nënshkruar nga rezervistë, oficerë në pension dhe veteranë nga degë të ndryshme të ushtrisë izraelite, raporton Anadoly.
Sipas të përditshmes Yedioth Ahronoth: “Letra, e iniciuar nga ish-oficerja e lartë e Mossad-it, Gail Shorsh, mban nënshkrimet e tre ish-shefave të Mossad-it – Danny Yatom, Ephraim Halevy dhe Tamir Pardo – si dhe dhjetëra shefave të departamenteve dhe zëvendësshefëve të departamenteve brenda agjencisë”.
