Ai këtë e ka bërë të ditur në një postim në Facebook, kur ka shpërndarë një deklaratë të ministres së Arsimit, Arbërie Nagavci, e cila foli për pagat e mësimdhënësve.
“Parimi ‘pagë për punë’ do të respektohet. Mësimdhënësit që kanë mbajtur mësim do të kompensohen”, ka shkruar Kryeziu.
Edhe Nagavci tha se do të ketë kompensim për punën e bërë, ndërsa tha se komunat nuk i kanë dërguar me kohë të dhënat në Departamentin e Thesarit.
Paralajmërimi i Qeverisë se nuk do të ketë paga për mësimdhënësit që kanë mbajtur grevë ka ngjallur reagim në publik. Kreu i SBASHK-ut, Rrahman Jasharaj, ka thënë se nëse pagat nuk dalin deri të enjten situata do të përkeqësohet.
Edhe vet mësimdhënësit janë shprehur kundër kësaj qasje të Qeverisë.
Mësuesja Hanlije Ademi për Tëvë 1 ka thënë se është në hall se si do të paguaj kredinë e saj.
“Sigurisht që më dëmton shumë se kemi kredi se më këto paga nuk mundesh më dal nga muaji në muaji Na s’kemi xhipa s’kemi nuk shpija nëpër vende të ndryshime turistike, na majm familjen më qitë pagë që kemi, shokun e kam pension 100 euro çka më bo më ato edhe paga ime nuk është”, tha Ademi.
Kritika për mosekzekutimin e pagave për muajin shtator ka dhënë edhe opozita.
Në Kosovë të hënën ka filluar mësimi pas një muaj grevë./teve1.info/
https://teve1.info/lajmet/mesuesja-qe-i-dha-arsimit-33-vite-te-jetes-nuk-e-di-si-do-te-paguaje-kredine/
