Qeveria e Kosovës ka mbajtur një mbledhje elektronike.
Në këtë mbledhje, ekzekutivi ka shfuqizuar vendimin e 13 dhjetorit 2022, me të cilën ishte konfirmuar vullneti i saj për t’i proceduar Kuvendit vendimin e Qeverisë të datës 21 dhjetor 2020 që kompanisë “MOXICO LUMA KOSOVA MINING L. L. C” t’i jepej Statusi Investitor Strategjik.
“Qeveria e Republikës së Kosovës, ka mbajtur mbledhje Elektronike në të cilën ka shfuqizuar vendimin Nr.04/112 të datës 13 dhjetor 2022 me të cilin ishte konfirmuar vullneti i Qeverisë për t’i proceduar Kuvendit të Republikës së Kosovës Vendimin e Qeverisë Nr. 13/50, të datës 21 dhjetor 2020, për dhënien e Statusit Investitor Strategjik për Subjektin Investues “MOXICO LUMA KOSOVA MINING L. L. C””, ka njoftuar Qeveria.
Kjo kompani parashihej të investonte 45 milionë euro në Vllahi, Gumnishtë dhe Karaçë, fshatra të komunës së Mitrovicës dhe Vushtrrisë.
Projekti kryesisht parashihte që të nxjerreshin e studioheshin pasuri të ndryshme nëntokësore që gjenden në komunën e Vushtrrisë dhe të Mitrovicës.