Ndryshime në kabinetin e ministrave të kryeministrit në detyrë, Albin Kurti kanë nisur.
Pas emërimit të Dimal Bashës për kryetar të Kuvendit të Kosovës, e para që bëri ndryshimin për arsyeje të emërimit nënkryetare, është Albulena Haxhiu, në vend të saj si u.d. i ministrit të Drejtësisë, u bë, Blerim Sallahu.
E pas kësaj, dorëheqje dha ai i infrastrukturës, Liburn Aliu.
Në vend të tij u emëruar Hysen Durmishi.
Sipas njohësve të politikë, zëvendësime dhe lëvizje të tilla brenda kësaj partie mund të ketë nëse bëhet qeveria, Kurti 3.
“Ndryshimet afirmative ka qenë dashur të ndodhin shumë më moti, si pasojë e veprimeve të ministrave gjegjës, për arsyeje të caktuara kryeministri Kurti nuk e bërë këto ndryshime afirmative po flas si reformë të qeverisjes në vend. Këto ndryshime janë për arsyeje të lojës, dhe këto janë për ta kryer këtë detyrën përfundimtare meqë kemi qeveri në detyrë”, deklaroi njohësi i politikës, Albinot Maloku.
Për ministrat aktual por edhe ministrat në ardhje nëse do ketë qeveri, Kurti 3, Avdi Smajlaj thekson se duhet të bëhet një performancë e punës.
Sipas tij, në këtë mandat diçka e tillë nuk ka ndodhur.
“Gjatë këtyre 4-5 viteve qeverisje, ka munguar një vlerësim i performancës secilit ministër. Sepse, çdo ndryshim çdo rifreskim i secilës qeveri, normalisht do duhej të bëhej në bazë të vlerësimit të performancës të secilit, do duhej të ishte një vlerësim në baza periodike, dhe kjo do të ishte një shtytje e mirë për secilin ministër… 01:53 Në mungesë të një vlerësimi të tillë fatura e përgjegjësisë i bije kryeministrit si shef i kabinetit qeveritar”, u shpreh Smjlaj.
Televizioni ka dërguar pyetje në Lëvizjen Vetëvendosje për të marrë një qëndrim se nëse do të ketë ndryshime në kabinetin qeveritar të kryeministrit në detyrë, Albin Kurtim, por të njëjtit nuk kanë kthyer përgjigje.
