Sot shënohet Dita Ndërkombëtare e Holokaustit të Romëve dhe Sintive. Me këtë rast, nga Qeveria e Kosovës thonë se mbeten të përkushtuar për ta shtuar mbështetjen për të drejtat e komunitetit rom në vend.
Sipas Qeverisë, me mesazhet ‘Kurrë mos e harro’ edhe ‘Kurrë më’, kjo ditë ia rikujton botës dhimbjet dhe vuajtjet e përjetuara të romëve dhe sinive, përcjell teve1.info
“Sot shënohet Dita Ndërkombëtare e Holokaustit të Romëve dhe Sintive, ditë kjo në të cilën kujtojmë 500 mijë viktimat e regjimit nazist gjatë periudhës së luftës së dytë botërore. Me mesazhet ‘Kurrë mos e harro’ edhe ‘Kurrë më’, kjo ditë ia rikujton botës dhimbjet dhe vuajtjet e përjetuara të romëve dhe sintive. Qeveria e Republikës së Kosovës mbetet e përkushtuar në luftimin e diskriminimit të çfarëdo forme, dhe angazhohet që të shtojë mbështetjen për të drejtat e komunitetit rom në Kosovë, të garantuara me kushtetutë dhe ligje”, bëhet e ditur në njoftim.
