Qeveria e Kosovës ka ndarë 100 mijë euro për familjarët familjarët e Enver Hadrit.
Kjo për ta ndihmuar në procesin gjyqësor që është zhvilluar në Bruksel.
Kryeministri i Kosovës, Albin Kurti në mbledhjen e Qeverisë ka thënë se ky rast ka rëndësi historike për Kosovën, prandaj është e nevojshme mbështetja e familjes së tij në këtë proces gjyqësor.
“Shqyrtimi i Propozim-vendimit për ndarjet e mjeteve financiare për mbulimin e shpenzimeve për mbrojtjen juridike – mbështetjen financiare për familjarët e veprimtarit të vrarë Enver Hadri. Rasti në çështjen penale ndaj të akuzuarve nga Serbia për vrasjen e aktivistit të njohur Enver Hadri ka filluar dje në Gjykatën Penale në Bruksel dhe si i tillë ka rëndësi historike për vendin tonë. Për rastin e tillë, drejtësia e Belgjikës tashmë ka vërtetuar se Jugosllavia, përkatësisht Serbia, me shërbimin e saj sekret kanë vrarë veprimtarin e çështjes sonë kombëtare Enver Hadri, duke dënuar të tre të akuzuarit serbë”, ka deklaruar Kurti.
Ndërkaq, ministri i Financave, Hekuran Murati tha se e mbështesin këtë dhe se ndarja e mjeteve do të bëhet nga shpenzime të paparashikuara dhe do të procedon edhe për miratim./teve1.info/
