Kryeministri i Kosovës, Albin Kurti ka thënë se zbatimi i ligjshmërisë është parim themelor me të cilin udhëhiqet qeveria e tyre.
“Zbatimi i ligjshmërisë është parim themelor me të cilin udhëhiqet qeveria jonë, për këtë kthimi i ligjshmërisë aty ku kërkohet është i pakompromisë. Vendimet e ish qeverisë Haradinaj përmes të cilave tokat e AKP-së, iu ndahen komunave të caktuar të Kosovës, sot duhet shfuqizuar për shkak të rrethanave të ndryshuara ligjore“, tha ai.
Kurti shtoi se këtë vit, Kosova ka rritjen më të madhe ekomomike në rajon.
Sipas tij, stabiliteti institucional, fuqia e re të punëtorëve, sundimi i ligjit, ambienti gjithnjë më miqësor për bizneset dhe indikatorët pozitiv ekonomik, e shndërrojnë vendin tonë në një tregues të qartë në një vend ku ia vlen të investohet
“Investimet në vendin tonë po vinë e po shtohen. Krahasuar me vitin 2020 kemi pas rritje të investimeve të huaja direket, në vitin 2021 pra prej 22 për qind. Rritja e eksporteve ishte mbi 83 për qind, e të hyrave tatimore ishte për 34 përlind, ndërkaq rritja e investimeve kapitale në vitin 2021 krahasuar me vitin para tij, ishte për 10.03 për qind. Në këtë vit e kemi rritjen e buxhetit, krahasuar me vitin 2020 prej më shumë se qereku, pra rreth 26 përqind. Krahasuar me vitin paraprak kemi një rritje të buxhetit prej 9 për qind, ndërkaq me rishikim prej 15 përqind. Ndërkohë, ne po ecim përpara në reformat në drejtësi dhe ekonomi, siç është për shembull krijimi i Gjykatës Komerciale”, tha ai.
Ndërkohë, bëhet e ditur se bazuar në kërkesat për tërheqjen nga procesi i privatizimit dhe kthimin e pronave të administruara nga AKP te komunat, Qeveria e Republikës së Kosovës me datën 6 korrik 2018 ka miratuar këto vendime: vendimi nr.05/55 i Komunës së Gjilanit, vendimi nr. 06/55 i Komunës së Ferizajt, vendimi nr. 07/55 i Komunës së Suharekës, vendimi nr. 08/55 i Komunës së Skenderajt, vendimi nr. 09/55 i Komunës së Deçanit, vendimi nr. 10/55 i Komunës së Junikut, dhe vendimi nr. 11/55 i Komunës së Hanit të Elezit.
Këto vendime nuk kanë mundur të zbatohen, dhe në vitin 2021 kanë pësuar ndryshimet ligjore, përkatësisht Ligji ka shfuqizuar ligjin për dhënien në shfrytëzim dhe këmbimin e pronës së paluajtshme të Komunës.
Shfuqizimi i vendimeve të lartcekura bëhet në përputhje me Ligjin e Procedurës së Përgjithshme Administrative./kp/.
