Kryeministri, Albin Kurti do të marrë pjesë në Procesin e Berlinit që mbahet në Tiranë.
Kështu ka bërë të ditur për teve1.info zëdhënësi i Qeverisë, Përparim Kryeziu.
Samiti i Procesit të Berlinit mbahet më 16 tetor dhe për herë të parë në një vend të rajonit.
Pjesëmarrës në këtë samit do të jetë edhe kancelari Olaf Scholz, presidenti i Francës Emmanuel Macron, si edhe presidentja e Komisionit Europian, Urusula von der Leyen.
Procesi i Berlinit është një iniciativë që synon rritjen e bashkëpunimit rajonal në Ballkanin Perëndimor dhe dhënien e ndihmës për integrimin e gjashtë vendeve në Bashkimin Europian. Ai filloi dhe u prezantua në 28 Gusht 2014, nga Kancelarja Gjermane Angela Merkel.
