Ushtria qeverisëse e Mianmarit ka shpallur një armëpushim të përkohëshëm në luftën civile të vendit deri më 22 prill, për të lehtësuar përpjekjet për të ndihmuar përballimin e pasojave të tërmetit, ka thënë televizioni shtetëror të mërkuren.
Njoftimi, i bërë në një deklaratë nga komanda e lartë e ushtrisë, pason armëpushimet e përkohshme të njëanshme të shpallura nga grupet e rezistencës së armatosur që kundërshtojnë sundimin ushtarak.
Raporti televiziv thoshte se grupet e armatosura etnike dhe milicitë lokale duhet të përmbahen nga sulmet ndaj forcave të sigurisë shtetërore dhe bazave ushtarake dhe nuk duhet të organizojnë, grumbullojnë forca ose të zgjerojnë territorin, ka raportuar AP.
Nëse ato grupe nuk i respektojnë këto kushte, ushtria do të marrë masat e nevojshme, thuhet në deklaratë.
