Kryeministri Albin Kurti ka thënë se në një shoqëri demokratike është e pamundshëm që të gjithë t’i kenë bindjet e njëjta fetare, teksa ka shtuar se qëllimi i projektligjit është promovimi i pluralizmit fetar.
Po ashtu Kurti ka shtuar se ky projektligj do t’ua jap mundësinë bashkësive fetare për t’u regjistruar zyrtarisht dhe liria fetare të garantohet pa dallim.
“Si në të gjitha fushat edhe në këtë fushë synojmë të arrijmë një standard sa më të lartë të mbrojtjes së të drejtave të njeriut”.
“Liria fetare zë një vend të veçantë në një shoqëri të lirë dhe të hapur siç jemi ne”.
“Mendimet dhe besimet e ndryshme vazhdimisht po hyjnë e qarkullojnë lirshëm. Në një vend të lirë e të hapur si Kosova ëshgtë e pamundur të gjithë të ndajnë të njëjtat bindje fetare”.
“Pluralizimi i besimit siç e kanë vërejtur shumë filozofë është fakt i përhershëm dhe i pandryshueshëm i një shoqërie demokratike”.
N”e kemi qëllim për të ruajtur dhe promovuar këtë pluralizën fetar. Kjo do t’ua jap bashkësive fetare mundësinë për t’u regjistruar zyrtarisht”.
“Ndryshimet dëshmojnë se Qeveria jonë e merr seriozisht detyrimin për të siguruar që kjo liri të garantohet në mënyrë të barabartë për të gjithë pa dallim”.
