Qytetarët e katër komunave veriore të dielën do t’i nënshtrohen procesit zgjedhor për apo kundër largimit të kryetarëve. Për thirrjet e Listës Serbe për bojkotim të këtyre zgjedhjeve ministri i MPB-së XhelalSveçla ka thënë se ata që nuk dëshirojnë të dalin në votime, mos ti pengojë të tjerët për të votuar.
Të dielën e 21 prillit, banorët e Leposaviqit, Zubin Potokut, Zveçanit dhe Mitrovicës së Veriut, do të vendosin pro apo kundër largimit të kryetarëve të këtyre komunave.
Një gjë e tillë do të mundësohet përmes një procesi të votimit që do të mbahet këtë të dielë.
Ministri i Punëve të Brendshme Xhelal Sveçla ka thënë se pret që më 21 prill situata të jetë e qetë pa ndonjë incident.
“Me 21 prill pritet votimi, unë pres një situatë të qetë ku qytetarët do të deklarohen a do te jenë për këta kryetar komunash a të vazhdojnë apo të ndërrohen nuk pres ndonjë incident meqenëse nuk ka as arsye incident, ata qe dëshirojnë ata që dëshirojnë të dalin në votime kanë të drejtën kushtetuese për të votuar ata që nuk dëshirojnë të dalin në votime nuk mund ti pengojnë të tjerët për të votuar”, deklaroi ministri Xhelal Sveçla.
Por sipas analistit Fidan Ukaj, thirrja e Listës Serbe për bojkotim të këtij procesi zgjedhor do të jetë detereminuese.
“Mendoj që ndikimi i LS-vë vazhdon të jetë i madh te komuniteti serb i Kosovës dhe thirrja e LS e Beogradit që me u tërhjek nga votimi i 21 prillit do të jetëdeterminues në dështimin e këtij procesi zgjedhor.”, deklaroi analisti Fidan Ukaj.
Lista Serbe ka njoftuar të dielën se nuk do të marrë pjesë në një votim për shkarkimin e kryetarëve shqiptarë të katër komunave me shumicë serbe në veri të Kosovës.
Komisioni Qendror i Zgjedhjeve i Kosovës vendosi që votimi të mbahet më 21, pasi i verifikoi nënshkrimet e qytetarëve në peticionet për shkarkimin e kryetarëve në veri, të cilat u mblodhën nga mesi i muajit janar.
