Xhevdet Qeriqi, kryetar i Këshillit për Mbrojtjen e të Drejtave të Veteranëve thotë se ai së bashku me disa persona të tjerë që ishin nisur drejt Hagës për të protestuar në mbështetje të ish-krerëve të UÇK-së janë ndalur dhe maltretuar nga policia e Mynhenit në aeroport.
Sipas tij, atyre nuk iu është dhënë asnjë shpjegim për këtë ndalim dhe pas disa orëve janë lejuar të vazhdojnë.
“Ka qenë një kërkesë e mërgimtarëve të Mynhenit që t’ju bashëkngjitemi dhe bashkë të vazhdojmë të marrim një protestë dhe kështu kam marrë rrugën me 4 bashkëluftëtarë drejt Mynhenit. Gjatë rrugës në Mynhen kemi pasur disa telashe, jemi ndaluar nga policia e Mynhenit dhe jemi maltretuar”.
Megjithatë Qeriqi thotë se njërin prej personave që ishin së bashku e kanë kthyer prapa.
Sipas verzionit të tij, policia kishte dyshime për vendin se ku do t’i dërgonte bluzat me mbishkrimin “Liria ka emër” dhe flamujt kombëtarë.
“Njërin prej bashkëluftëtarëve tanë e kanë kthyer mbrapa, edhe pse s’kemi pasur diçka të kundërligjshme përveç bluzave ‘Liria ka emër’ dhe disa flamujve. Neve na kanë maltretuar për disa orë dhe nuk na kanë dhanë asnjë shpjegim pse na kanë ndalë, na kanë liru”.
“Është e çuditshme, sepse thashë jemi ndalu për disa orë. Edhe unë i kam pasur disa bluza dhe disa flamuj, e në fund më kanë leju që ta vazhdoj rrugën. Kurse atë bashkëluftëtarin tim e kanë kthyer mbrapa dhe arsyeja është pikërisht se i ka marrë këto bluza dhe gjoja se kanë pas dyshime se ku kemi me i dërgu edhe pse ne ju kemi treguar se jemi duke vazhduar rrugën drejt Hagës”.
“Është maltretuar, për dy ditë është mbajt në aeroport dhe është kthyer prapa”, ka thënë Qeriqi në Ditari në Tëvë 1.
