Ai thotë se ky vendim duhet të implementohet në tërësi.
Deputeti i PDK-së në Tëvë1 tha se Serbia është duke iu bërë presion serbëve në veri që të mos i ndërrojnë targat.
“Duke i parë gjërat në terren, duke i parë përpjekjet që është duke i bërë Serbia të t’i frikësoj qytetarët serb kryesisht në pjesën e komunave veriore dhe presionin që është duke bërë ndër ta që ata assesi të mos guxojnë që të shkojnë në zyret e Ministrisë së Punëve të Brendshme t’i ndërrojnë targat, mos të aplikojnë për t’i ndërruar targat është një presion i pa parë dhe ju e keni parë rasti e parë që një pjestar i Policisë së Kosovës i cili punon në Komunat veriore që i ka ndërruar targat nga ato për ne ilegale në këto të Republikës së Kosovës ka pasur menjëherë një sulm në shtëpinë e tij që është kallur”, tha ai.
Tutje Qalaj në emisionin “ResPublika” e akuzoi zyrën e serbëve për Kosovë dhe Listën serbe për kërcënim ndaj qytetarëve të Serbisë në pjesën veriore për të mos i respektuar vendimet e Qeverisë së Kosovës.
“Ajo zyra e famshme që veten e quan zyrë për Kosovë, është në fakt zyra që i kërcënon dhe i mbanë nën kontroll qytetarët serb të pjesës veriore dhe të gjithë serbët që janë në Kosovë. Po ashtu e kemi Listën serbe e cila në raport me zbatimin e ligjeve të Kosovës është më destruktive dhe ajo është duke ndihmuar për të keq qytetarët atje dhe bandat e ndryshme duke bërë thirrje që janë të rrezikuar dhe nuk duhet assesi që të implemtojnë vendimet e qeverisë ndërsa njëri ndër ta është ministër në Qeverinë e Kosovës. Unë mendoj që ky vendim duhet të implementohet dhe duhet të implemntohet në tërësi”, tha Qalaj./Teve1.info/
