Në emisionin “ResPublika” në Tëvë1, deputeti i Partisë Demokratike të Kosovës tha se Policia e Kosovës është mjaft e përgatitur.
“Mund të them se Policia e Kosovës ka kapacitete që të ofroj siguri, rend dhe ligj në tërë vendin duke përfshirë edhe komunat veriore dhe është mjaft e përgatitur sidomos nga aspekti njerëzor – profesional mirëpo kuptohet që polici në botë gjithmonë duhet të avancohet, duhet të trajnohet, të zhvillohet në mënyrë që të ofroj shërbime më të mira”, tha ai.
Tutje Qalaj gjatë emisionit përmendi disa nga nevojat aktuale të Policisë së Kosovës.
“Ajo çka ka nevojë Policia e Kosovës sidomos tash në këtë situatë ka nevojë që askush të mos i përzihet në planifikimin operacional, në detyrat operacionale që i ka policia po ka nevojë që të ketë mbështetje politike, mbështetje me buxhet, ka nevojë që realisht polici i Kosovës të mos mendoj sot se a do të kem pajisje të mjaftueshme se si do të udhëtojë, si do të shkoj… ka nevojë edhe për sigurime shëndetësore, sigurime jetësore me ligjin për pensione, me shujtën, pra ka nevojë për kushte dhe përkrahje”, tha Qalaj./teve1.info/
