Deputeti i Partisë Demokratike e Kosovës, Rashit Qalaj, ka thënë se nuk pret që procesi zgjedhor në veri të përcillet me incidente.
Ai ka thënë se zgjedhjet në veri nuk mund të shtyhen pafundësisht, por ka thënë se fajin për situatën aktuale në atë pjesë të vendit e ka Qeveria me vendimet e saj.
“Askush nuk mund t’i shtyjë në pafundësi zgjedhjet, nuk mandat as presidentja. Nuk mund të flasim për zgjedhje vecpas pas situatës që nga shtatori i vitin 2022 me veprimet amatoreske të pamatura të Qevrisë. Ne e kemi këtë situatë në veri si pasojë e vendimeve të pamatura të Qeverisë. Nuk pres ndonjë icidetn në ditën e zgjedhjeve, por organet e sigurisë duhet të bëjnë përgatitje për çdo skenarë dhe besoj që i kanë bërë”, ka thënë ai në emisionin “Këndi i Debatit” në Tëvë 1.
Qalaj ka thënë se sfidë do të jetë funksionimi i kryetarëve të zgjedhur, pasi sipas tij legjitimiteti i tyre është në pikëpyetje.
“Brenga ime kryesore është se cili do të jetë veprimi i parë i këtyre kryetarëve të zgjedhur kush do që fiton. Si do ti kryejë punët e tij, cili do të jetë stafi i tij, cili do të jetë reagimi i asmablesitëve, si do të implementojnë programet e tij, kur e ka një komunitet jo bashkëpunues. Dhe si do të veprojë shteti i Kosovës në raport me funksionalizim me kryetarët e zgjedhur”, ka thënë Qalaj.
