Pesë javë pas zgjedhjeve në Luginë të Preshevës, partitë politike shqiptare u dakorduan për një koalicion të përbashkët.
Kryetarja e Partisë për Veprim Demokratik, Ardita Sinani njoftoi se ka nënshkruar marrëveshje me Partinë Demokratike Shqiptare dhe Unionin Demokratik Shqiptar për një qeverisjë të përbashkët.
Detajet rreth procedurave pas nënshkrimit të kësaj marrëveshje i tregoi kryetari i PDSH-së, Ragmi Mustafa.
Sipas Mustafës, tashmë janë arritë marrëveshjet edhe për ndarjen e drejtorive në këtë komunë.
E partia që ka dalë e treta në këto zgjedhje është Alternativa për Ndryshim.
Kryetari i këtij subjekti, Visar Memeti thotë se kreu i PDSH-së ka pasur takime edhe me ta mirëpo nuk janë pajtuar në disa kërkesa.
Por, Memeti është i bindur që ky partneritet në mes PVD-së dhe PDSH-së është i imponuar nga Kosova.
Rreth situatës politike në Preshevë, televizioni e kontaktoi edhe këshilltaren e kryeministrit të Kosovës Ardita Sinani, mirëpo e njëjta nuk dha detaje.
Zgjedhjet e parakohshme në Luginë të Preshevës u mbajtën më 2 qershor. Në këto zgjedhje shqiptarët garuan me pesë lista të ndara.
