Sipas tij, Rusia nuk ka zgjidhje tjetër pos të luftojë, pasi siç tha lideri rus, duhet të mbrojnë rusishtfolësit në lindje të Ukrainës dhe për të parandaluar këtë shtet që të bëhet një trampolinë antiruse për armiqtë e Moskës.
I pyetur nga punëtorët e agjencisë hapësinore ruse lidhur me luftën në Ukrainë dhe nëse Rusia do të përmbushë qëllimet e saj, Putin tha: “Absolutisht. Nuk kam asnjë dyshim”.
“Qëllimet tona janë krejtësisht të qarta dhe fisnike,nuk ka asnjë dyshim që qëllimet do të përmbushen. Veprimet e shpejta që armiqtë tanë po vazhdojnë të bëjnë nuk po funksionojnë”, tha Putin, duke iu referuar sanksioneve që Perendimi i vuri Ruisisë pas invazionit në Ukrainë.
Putin po ashtu bëri një analogji midis fluturimit të parë në hapësirë të Gagarinit dhe situatës në të cilën gjendet sot Rusia.
“Ne nuk kemi për qëllim që të izolohemi”, tha presidenti rus. “Është e pamundur që ta izolosh rëndë dikë në botën moderne, veçmas një shtet të madh siç është Rusia”, shtoi ai./REL
