Ai i tha Sauli Niinisto-s se nuk kishte asnjë kërcënim për sigurinë e Finlandës.
Shkëmbimi erdhi gjatë një telefonate të bërë nga presidenti finlandez, përpara një kërkese zyrtare të cilën Finlanda pritet ta shpallë shumë shpejtë.
Suedia gjithashtu ka treguar synimin e saj për t’u bashkuar me aleancën perëndimore, pas pushtimit të Ukrainës nga Rusia.
Finlanda ndan një kufi prej 1,300 km (810 milje) me Rusinë. Deri më tani, ajo ka qëndruar jashtë NATO-s për të shmangur antagonizimin e fqinjit të saj lindor.
Putin nuk ka bërë një kërcënim specifik për hakmarrje lidhur me lëvizjen e Finlandës, por ministria e Jashtme ruse ka treguar se do të ketë hakmarrje.
Si shenjë fillestare paralajmëruese e Rusisë është vendimi për të pezulluar furnizimin me energji elektrike për Finlandën.
Ekzekutivi i rrjetit kombëtar të Finlandës, Reima Paivinen, i tha BBC-së se pezullimi rus nuk kishte shkaktuar ndonjë problem.
Ai tha se importet ruse përbënin rreth 10% të furnizimit kombëtar, duke shtuar se ato mund të zëvendësoheshin nga burime alternative.
