Menaxhmeti i “Trepçës” ka suspenduar sot nga puna përkohësisht punëtorët e “Trepçës” Ibrahim Jonuzi, Esat Mehën, Destan Kërleshin, Gani Osmanin dhe Fevzi Ademi.
Ky i fundit tha se vendimi i marrë me datë 27 tetor ende nuk u është dorëzuar në mënyrë zyrtare.
Derisa tha se ky vendim nuk i kontribon fare situatës, pasi sipas Ademit, me rëndësi është dalja nga kjo situatë dhe nxjerrja e minatorëve nga miniera pasi atyre po iu rrezikohet shëndeti.
“Vendimin siç e keni pa edhe ju është marrë me 27 të këtij muaji, mirëpo ende nuk është dorëzu në mënyrë zyrtare. E kemi marrë në portë, na kanë lajmëru se është shku një letër, nuk i është dorëzu secilit punonjës ose secilit person, i cilli është marrë vendim për suspendim. Dhe kjo gjë nuk i kontribon situatës fare, është mundu të etiketojë njerëz por me rëndësi është që të gjindet zgjidhja dhe të dalim nga kjo situatë. Ti nxjerrim minatorët nga miniera të cilëve po iu rrezikohet shëndeti nga dita në ditë, mos të them edhe nga ora në orë”, tha Ademi në emisionin “Ditari” në Tëvë1.
Kujtojmë që sot është dita e shtatë prej kur minatorët e minierës me flotacion kanë hyrë në grevë. Ata po kërkojnë realizimin e pagës mujore me kohë teksa kërkojnë edhe sigurimin e kushteve të punës. Për këto kërkesa ata po kërkojnë garanci me shkrim./teve1.info./
