Një ngjarje e rëndë ka ndodhur sot brenda oborrit të KEK-ut, ku një punëtor ka humbur jetën tragjikisht në vendin e punës.
Tëvë1 ka mësuar se viktima ishte punëtor i sigurimit në kuadër të KEK-ut. Sipas burimeve nga terreni, ngjarja ka ndodhur në hapësirat e Termocentrali Kosova B.
Informacionet e para bëjnë të ditur se vozitësi i një kamioni, i cili dyshohet se e ka goditur për vdekje viktimën, nuk e kishte parë atë teksa po e kthente automjetin prapa.
Burime të afërta me rastin tregojnë se personi që drejtonte kamionin ishte pjesë e një kompanie të nënkontraktuar nga KEK-u.
