Greva e punëtorëve teknik dhe të sigurimit fizik ka hyrë në javën e katërt. E nga e hëna, studentët e Fakultetit Filozofik kanë filluar bojkotin e mësimit, si përkrahje për grevistët dhe shkak i papastërtisë së krijuar. Grevistët protestuan para Rektoratit të Universitetit Publik të Prishtinës, duke kërkuar rritje page.
Në një të hënë të zakonshme, kjo sallë do i mblidhte studentët për ligjëratë.
Por, mbeturina ka kudo. Andaj niveli i pastërtisë nuk është i kënaqshëm për vijimin e studimeve.
Kështu, studentët morën pozicion para hyrjes së Fakultetit Filozofik.
Gjendje më e mirë e pastërtisë nuk është as para Rektoratit të Universitetit të Prishtinës.
E pikërisht para këtij institucioni, protestuan stafi teknik dhe ai i sigurimit fizik.
Zeqir Krasniqi, tregoi se paga si punëtor teknik prej 250 euro janë të ardhurat e vetme si kryefamiljar, me të cilat mezi arrin të mbijetojë.
Greva e këtyre punëtorëve ka hyrë në javën e katërt, derisa grevistët thanë se nuk u është ekzekutuar paga e fundit të gjithëve.
I pranishëm në protestë ishte edhe kryetari i Sindikatës së Pavarur të Punëtorëve, i cili kritikoi ekzekutivin.
Për të siguruar mbarëvajtjen e protestës, prezentë ishin edhe Policia e Kosovës.
