Të enjten, punëtorët teknike të Kuvendit të Kosovës, grevën nuk mundën të vazhdojnë brenda oborrit të këtij institucioni. Ato u larguan nga Sigurimi i Kuvendit dhe grevën po e zhvillojnë jashtë dyerve të saj. Punëtorët thonë se pas më shumë se 20 viteve punë iu larguan edhe gjerat e tyre personale. Zyrtarët e Kuvendit nuk bëjnë zë për këtë çështje.
Për më shumë se tre muaj, në duar po mbajnë mesazhin “Jemi në Grevë”.
Punëtorët teknike të Kuvendit të Kosovës po e vazhdojnë grevën e tyre për rritje të pagës.
Por ndryshe prej ditëve tjera, këtë të enjte ato nuk janë lejuar të hyjnë as brenda oborrit të institucionit legjislativ.
E moti i keq, ua ka vështirësuar edhe qëndrimin.
Nebehate Krasniqi tregon se si sigurimi nuk i ka lejuar të qëndrojnë në oborr.
Pas më shumë se 20 viteve punë në këtë institucion, Krasniqi tregon se ia kanë larguar edhe gjësendet personale.
Televizioni gjatë tërë ditës ka kërkuar një qëndrim edhe nga nënkryetarja e Kuvendit, Saranda Bogujevci dhe shefi i kabinetit të kryetarit të Kuvendit, Ilir Kërçeli mirëpo të njëjtit nuk kanë dhënë detaje.
