Punëtorët teknik të QMF në Prishtinë kanë paralajmëruar se nga java e ardhshme do fillojnë më grevë dhe protestë.
Kështu ka bërë të ditur kryetari i Sindikatës së punëtorëve të sektorit privat, Jusuf Azemi, përcjell teve1.info
Azemi ka njoftuar se pas një mbledhjeje të mbajtur sot, është marrë vendimi që nuk do të punohet më për 300 euro pagë bruto dhe nga java e ardhshme do të protestojnë.
“Në takimin e mbajtur sot me punëtorë teknik të QMF në Prishtinë u mor vendim që për 300 euro pagë bruto nuk punojmë dhe nga java e ardhshme fillohet me protesta dhe greva deri te lëshimi kolektiv i vendeve të punës”, ka shkruar ai në Facebook.
