Punëtorët teknik dhe ata të sigurimit fizik do të protestojnë nesër para Rektoratit të Universitetit të Prishtinës për shkak të pagave të vogla.
Kështu ka bërë të ditur, kryetari i Sindikatës së Pavarur të Sektorit Privat të Kosovës (SPSPK), Jusuf Azemi, i cili tha se protesta do të mbahet nga ora 10:00-11:00, shkruan teve1.info
“Ju njoftojmë se nesër nga ora 10 deri 11 para rektoratit të UP ‘Hasan Prishtina’ ,punëtorët teknik dhe ata të sigurimit fizik do të protestojnë për shkak të pagave të vogla”, ka deklaruar ai./teve1.info
