Minatorët e minierës së Kishnicës bojkotuan punën ditën e martë për shkak të mosekzekutimit të pagave për muajin prill.
E këtë grevë ata janë duke e mbajtur tash e një javë.
“Minatorët janë obliguar të hyjnë në grevë pasi nuk është bërë ekzekutimi i pagave dhe është bërë ndarja mes Trepçës dhe neve, na e kemi të njëjtin kryeshef, na çka përfitojnë, çka prodhojnë “Trepça” e merr e shtet krejt dhe është bërë ndarja që dy muajt e fund”, ka thënë Xhevdet Ymeri.
Tutje ata thonë se kjo ua ka rënduar jetën.
“Po tanë jetojmë në të njëjtin ambient, 90% varem prej këtyre pagave. Ama problemi më i madh është tek kredi, që kan punëtorët kan kredia dhe bankat komerciale”, ka shtuar Ymeri.
E njëjtë sikurse në Kishnicë, punën e kanë ndërprerë edhe minatorët në Artanë.
“Prej të martës, minatorët janë ndalë për shkak të mosekzekutimit të pagave, kanë shprehur një pakënaqësi pasi në StanTërg i kanë qit pagat kurse te na jo, kështu minatorët tek ne edhe në flotën në Kishnicë e kanë bojkotuar punën”, tha Blerim Imeri.
Madje këtyre iu ishte premtuar që pagat do t’i marrin të martën, premtim i cili sipas tyre, nuk u realizua.
“Kryeshefi e ka pasur një takim me mbikqyësit e prodhimit, edhe me menaxhmentin në Kishnicë edhe iu kanë thanë që pagat do të dalin të martën, për dje që po bjen, pra ju kanë thanë që 99% do të dalin pagat përmes Ministrisë, përmes subvencionit”, ka përfundur Imeri.
Tëvë 1 ka dërguar pyetje edhe ndërmarrjen “Trepça” se kur do të bëhet ekzekutimi i pagave për rreth 200 minatorë, por nuk ka marrë përgjigje gjatë ditës.
