Sigurimi fizik i QKUK-së të martën protestuan para Administratës Qendrore të QKUK-së. Ata po kërkojnë rritje të pagës, pasi ende vazhdojnë të paguhen me pak se paga minimale. Madje ata kërkuan edhe lirim nga pagesat e shërbimeve shëndetësore e trajtim me dinjitoz.
Për sigurimin e klinikave të QKUK-së, kujdesen këta burra.
Por punën të cilën e bëjnë ata, marrin pagesë e cila është më e ulët se paga minimale e parashikuar me ligjet në fuqi.
Tash e disa vite, Jakup Mukulani i cili është sigurim në Qendrën Klinike Universitare të Kosovë paguhet vetëm 277 euro.
Pagë e cila është jo vetëm e pamjaftueshme për të dal deri në fund të muajit, por edhe e kundërligjshme.
“Jetesa është katastrofë qysh me jetu me 270 euro çka. Udhëtim nuk dalim që paguajmë secili kemi familje Na jemi në rrugë as nuk kemi ushqim, faleminderit prej servireve na japin ushqim, por edhe atë e kontrollon dikush është ky që është i ulur këtu që iu thotë mos iu jep punëtorëve të sigurimit ushqim”, ka thënë sigurimi fizik në QKUK, Jakup Mukluani.
Këta punëtorë po kërkojnë që paga e tyre të jetë 405 euro. Por kanë edhe disa kërkesa të tjera.
“Na paguhen festat në mënyrë të dinjitetshme jo 3 euro qysh na ka pagu, kjo është mizerje.. Kërkojmë që punëtorët të lirohen nga pagesat e shërbimeve shëndetësore se ne jemi punëtor të këtij institucioni. Kërkojmë që kur shpallet tenderi i ardhshëm koeficienti të jetë 4.8 ashtu siç e kemi pasur kur kemi qenë me të shtetit”, tha Shaip Hajrizi nga Këshilli i Punëtorëve.
E kryetari i Sindikatës së Punëtorëve të Sektorit Privat iu ka dhënë kohë dy javë që pagat të rriten.
“Le të bëjnë me tender çka të dojnë le të shtyhen por këta punëtor brenda dy javë ditësh kanë që së paku paga e tyre të jetë 405 euro për vitin 2024, kurse QKUK dhe MSH janë të njoftuar që ne në vitin 2025 nuk punojmë nën pagën 550 nëse ne nuk jemi të nevojshëm atëherë ne ju japim adresën dhe shkojnë të marrin punëtor në Bangladesh”, ka thënë Jusuf Azemi nga Sindikata e Puntorëve të Sektorit Privat.
Që nga tetor paga minimale në Kosovë është 350 euro.
