Punëtorët e KEK-ut kanë filluar protestën sot nga ora 11:00 para zyrave të korporatës.
Sipas njoftimit, ata kërkojnë rritje të pagave për punëtorët e KEK-ut, nivelizimin e pagave të sigurimit fizik, si dhe zbatimin e pagës së 13-të.
“Pse po protestojmë? Sepse punëtorët e KEK-ut përballen çdo ditë me kushte të vështira dhe me rrezik profesional; përballen me rritje të kostos së jetesës nga inflacioni, nuk kanë përfituar rritje pagash si institucionet e tjera publike dhe po e mbajnë mbi supe sistemin energjetik të vendit”, thuhet në njoftim.
