Në Ditën Ndërkombëtare të Punëtorëve, më 1 maj punëtorët e Korporatës Energjetike të Kosovës (KEK) do të protestojnë.
Kështu ka bërë të ditur Sindikata e Re e KEK-ut nëpërmjet një postimi në Facebook.
Në njoftim thuhet se protesta do të zhvillohet në ora 12:00, në sheshin “Skënderbeu” në Prishtinë.
Kërkesat e tyre sipas Sindikatës së re janë paga dinjitoze dhe respekti për punën e tyre.
“Kjo punë nuk ka para që mund ta paguajë – është lodhje, është rrezik, është sakrificë çdo ditë. Më 1 Maj, në ora 12:00, të gjithë në sheshin Skënderbeu. Protestojmë për pagë dinjitoze dhe respekt për punën tonë”, thuhet në njoftim./teve1.info/
